Го пренесуваме статусот од ФБ на новинарот Крум Велков во врска со наградите по повод 23 октомври - Денот на македонската револуционерна борба

Во кусото времепостоење, „вмровската“ награда 23 Октомври, меѓу другите, успеаја да ја добијат и два-тројца нелустрирани, а докажани кодоши, плус еден лустриран кој, патем, беше претседател на жирито на истата (машала!), а годинава, да не биде покусо, овенчан е и еден докажан интелектуален бугарофилски фетфебел. Следствено, предлагаме догодина наградата постхумно, со историска дистанца, да му се додели и на славниот Петруш Кодошот.

ОБРАЗЛОЖЕНИЕ НА КАНДИДАТУРАТА:
Петре Котов, од милоште наречен Лигушот, а по заслуги Кодошот, бил познат и како Петре Американчето (види историски синхроницитет, богати!). Лигушот, покрај кодошлакот, пројавил и други патриотски активности - бил секретар на Битолскиот окружен комитет на ВМРО, позиција што ја искористил за да украде големи суми народни пари (види уште еден историски синхроницитет, џанам!). Резултат на предавството на Лигушот е погибијата на славниот војвода Ѓорѓи Сугаре и целата негова чета.