Анализа на Мирка Велиновска за Дневник: Нова стратегија за кршење на Иванов

Kредибилни и добро информирани извори споделија со „Дневник“ ексклузивни информации за операцијата уништување на македонската држава и бришење на македонскиот народ од регистарот на живи народи. Планерите и изведувачите на срамниот и нечовечки нацифашистички потфат за свој локален контрактор го ангажираа Зоран Заев и неговата партија СДСМ. Kако логистика му ја додадоа Соросовата активистичка мрежа, вашингтонското криминогено шпионско, дипломатско и политичко подземје и нивната фашизоидно-мафијашка великоалбанска творба УЧK сега маскирана во политички партии.

Еве што дознавме: Одметнатиот амбасадор Џес Бејли, кој е жител на вашингтонското политичко мочуриште, пред да си оди од Македонија (официјално, ако не го соберат до тогаш, си оди во мај) има наредба од одметнатиот центар на моќ да стори с` што може за да го направи Зоран Заев премиер со мандат Република Македонија да стане парцела или полигон, односно, лабораториска депонија под фашистичка управа. За ова да се оствари, на планерот му е неопходно да не функционира повеќе институционалниот систем. ВМРО-ДПМНЕ да стане маргинален политички фактор без шанса кога било да дојде на власт и во исто време, албанскиот политички блок да стане доминантен, а македонскиот мнозински народ да се умртви, демотивира така што ќе загуби интерес за сопственото опстојување. Платформата од Тирана не е самостојно дело на Еди Рама, туку задача добиена од поранешниот шеф на ЦИА кого сосема извесно го чека судење за шпионажа по специјалниот шпионски акт со кој е предвидена и смртна казна. Ова станува с` пореално откако „Викиликс“ објави грамадно количество документи кои ја разоткриваат морничавата вистина дека САД во последниве дваесетина години станале киднапирана држава под фашистичка управа, а своето светско лидерство го покривала со извоз на демократија во вид преврати и воени конфликти. Бидејќи сега, по ова мегаоткровение на 49. ден од неговото инаугурирање, првпат од американската јавност Доналд Трамп доби широка поддршка за изведба на генерална ем темелна чистка на заробените институции, сигурно е дека ЦИА ќе биде упокоена, а останатите тајни, а одметнати служби дисциплинирани. Јасно е дека остатоците раштркани по светот ќе се обидат за себе да си изградат засолништа на периферијата на светот во надеж дека по извесна хибернација, ќе се разбудат орни за нова тура организиран терор. Македонија и Балканот им се гледаат како безбедна дистанца и дестинација. Што се гледа од нашата реалност.

Трескавична акција

Деновиве Џес Бејли трескавично ги прави аранжманите за удобно преспивање. Ги обиколува судовите, ги анимира корумпираните македонски судии, ги заплашува оние што не успева да ги купи, а преку Заев им порачува дека сите ќе ги смени. Ги уценува големите македонски ,,бизнисмени“. Ги тера на послушност македонските ,,национални“ медиуми. Преку Заев им испраќа пораки дека ќе ги згаснуваат. Ги уценува сите за кои мисли дека имаат моќ и влијание со телефонски разговори или снимки кои се компромитирачки. Истото им се случува и на партиите кои не се СДСМ. А членството на СДСМ си го уценува лично Зоран Заев кај кого се прислушуваните разговори.

Сценариото спремно, но овие криминалци првпат се соочуваат со непријатно изненадување што им го загрози планот. Kако што велат нашите извори, Бејли, неговите европски колеги, Могерини и сите останати гости кои ни доаѓаат во Македонија за да вршат притисок за да капитулираме, признаваат дека се изненадени од жестоката и решителна реакција на Македонците и останатите етницитети да ~ се спротивстават на тиранската лудорија. Не им било предвидено во сценариото шумарот да втрча на теренот и да го прекине нерегуларниот натпревар. Не се вклопува во нивната перцепција за Македонците. Мислеле дека македонскиот народ е лекоумен, нема ’рбет, бил мек како пластелин, наивен и глуп, а пред с` незаинтересиран за својата држава и опстанок. Оцениле дека играта со бомбите на Заев, па кампањата со спомениците „Скопје 2014“, серијата востанија и шарената револуција, соросоизирањето на медиумите и нивното ставање под цензура завршиле работа и дека пасивизирањето на населението е завршена работа. И кога одеднаш, се појавува граѓанскиот повик на група маргинализирани патриоти зад кои не стои никаква партија, а на кои се налепува големо количество народ, жители на Македонија. Нервозата на Бејли и неговите европски компањони видливо се отслика и на експонентот Заев кој преку „Алсат“ ни испраќа порака дека граѓаните требало да ги напуштат улиците. Демек, овие што шетаат мирно му пречат, за разлика од неговите куртон-платени револуционери.

Хојт Ли веќе ни кажа

Превратниците немаат решение за овој ,,проблем“. Деновиве се обидуваат да го скршат Иванов и да го кандисаат да го даде мандатот на Заев. Бејли вели дека тој напросто мора да стане премиер. Демек, аут Цезар аут нихил! Иванов сосема сигурно нема да му ја исполни наредбата. Дури и да сака, нема да може оти македонскиот народ ќе го пречкрта најблаго речено, а и не е баш лесно откако ќе станеш национален гарант и балкански Kараѓорѓе да манифестираш недоследност. Рускиот рулет на ЦИА и нејзините криминогени европски партнери завршува така што коцкарот си испалува куршум во сопствена глава. Во Македонија. И особено откако нервозниот Хојт Ли од Загреб јасно ни ја соопшти крајната цел која пред него јавно ја разработи и ,,контракторот“ Љубомир Фрчкоски, а тоа е кратко и јасно: менување на името на државата и насилно одземање на идентитетот на македонскиот народ. Што ќе рече адактирани се досегашните божем разговори и преговори за разликите за името што ги водеше старата предреволуционерна Америка. Република Македонија не е повеќе бивша југословенска република Македонија, а ќе стане таква само ако се согласи Заев да не укине. Овие одметнати циаши се толку во временска стиска, што прават непоправливи грешки разоткривајќи си ја својата монструозна цел. На пример, Бејли во една од убедувачко-притискачките мисии деновиве го носел предлог-законот за албанскиот државен јазик и го дообјаснувал како добродушен проект, иако никој во Македонија го нема ни видено ни прочитано, а во ваква добродушност не верува од Охридскиот договор наваму. Паралелно со убедувањето оди и фамозното виткање рака и закани, упатувано до македонските државни и локални функционери. На своите домаќини како службеник на друга држава им испорачува извршни наредби. И нему му се поматил умот. Вели, ВМРО-ДПМНЕ никако и никогаш повеќе не смее да стане владејачка партија. Требало да се помири да статира како опозиција. Чудесно! Центарот кој од произведени терористи прекуноќ правеше политичари и борци за човекови права, сега бесрамно се обидува легална и легитимна политичка партија да ја отера во илегала. Kако што проба во Сирија. Проба и во Турција. Лаже дека платформата за растурање на Македонија не била дело на Рама, туку на Али Ахмети и не се составувала во Тирана ами во Мала Речица. Бејли демек бил присутен на дејствијата и знае дека Ахмети е интелектуалецот со пушка кој знае да пишува платформи. Зошто партијата која Американците во 1998 година ја промовираа како реформска партија со нов бран политичари, за подземната криминална ЦИА станува отворен непријател е прашање кое бара сериозна разработка од повеќе аспекти. Наша првична процена е дека со оглед колку многу труд и време посветила ЦИА во последниве 15 години во проучување на феноменот ВМРО и неговото влијание врз народот изразено на избори, изгледа дека оваа партија ја гледаат како пречка за остварување на планот кој сега трескавично се обидуваат да го реализираат. ВМРО-ДПМНЕ пречи само затоа што е македонска, автентична и симбол кој е втемелен историски. Со сите нејзини светли темни периоди и личности во временските балкански бури како и оваа низ која минуваме. Но ете им сега на отпадниците нов непријател македонскиот народ кој не е партиско членство на ВМРО-ДПМНЕ. Kако него да го исфрлат од игра?

Не ни помислувајте

Еве што ќе биде македонскиот општонароден одговор на овој евроатлантски куплерај кој се распаѓа во агонија: 1. Дури Зоран Заев сега и да се откаже од платформата, мандат од Иванов нема да добие. Ќе добие ако на нови избори легитимно и легално победи со мнозинство од живи македонски гласачи. Што ќе се случи на Свети никогаш со него на чело. И затоа СДСМ ќе бега од изборно соочување. Од овој ден натаму, избори ќе има кога ќе одлучи државата Македонија и нејзините граѓани и ќе ги организира самостојно. На тие избори ќе се појават партиите што имаат автентични политички програми составени во Македонија и се однесуваат на Македонија и интересите на македонските граѓани. Ќе има и попис и референдуми за теми и прашања кои нас н` засегаат и кога за тоа ќе одлучиме ние. Подземјашите од странство а и нашиве мивки, брзо ќе се уверат дека македонскиот народ, жителите на Македонија од сите етникуми и религии се во права смисла на зборот суверени на државата Македонија, а не лабораториски произведени бројлери и дресирани циркуски ,,реквизити“. Отпорни се на закани кога се работи за нивниот биолошки опстанок. Ако се изненадени непријатно од способноста набрзина самостојно да се организираат стотина илјади демонстранти и нивната мирно манифестирана решителност во спонтана самоорганизација, наредниве денови ќе им одговориме со поламилионски спонтан марш за и најкусогледите да можат да не видат и дома и во нивните држави, пред нивните влади. Фамозното сценарио ,,Б“ на Зоран Заев и неговите албански партнери е демаскирано. Со него СДСМ планира формално да се откаже од Платформата за да му биде врачен мандат, а потоа, преку Собранието, формално, преку закони предвидени во платформата, по кратка постапка (со европско знаменце) да се премости, односно да се пучира Уставот. Финта! Прочитана е. Заев на „Алсат“ нервозно му се закани на водството на ВМРО-ДПМНЕ дека ако не се вклопи во планот на Бејли, тој лично ќе му земел уште 4 пратеници, та ќе добиел мнозинство од 73 пратеници (во тие 73 веројатно ги брои и двајцата од ДПА). Демек ќе му ја растура коалицијата со прелетувачи. Изгледа не му е јасно дека тој и неговата братија веќе не се дел од македонското организирано општество, ниту домашен политички фактор. Самиот го избра тоа занесувајќи се дека е заштитен од Чадор што непрокиснува.

Офанзива и контра офанзивата

Што се однесува до заканите со војна и спремноста за самоодбрана на државата, Република Македонија веќе има прогласено вонредна состојба. Поради мигрантската криза. Границите на север и југ се покриени со македонска војска. МВР навистина е раздрндано и без команда, а со технички министер од редовите на великоалбанската ДУИ, но во ситуација некој да сака да н` истестира со вооружени провокации, терористички акции и слично, големи се шансите штакори како Бејли и неговото европско контракторско друштво да бидат уште понепријатно изненадени.

Така што, тоа што во наредниве месеци – конкретно до мај – треба да правиме ние е да станеме уште повидливи за странските легални и криминални центри на моќ со протести, активности, информации. Тоа бара мобилизација и активитет на секој поединец. Но се работи за проверен ефикасен рецепт кој секој непријател го става во дефанзивна позиција. Потребна е и медиумска офанзива. Впрочем, тоа беа и неодамнешните препораки во контактите на македонската држава со новата власт во Вашингтон. ВМРО-ДПМНЕ треба што поитно да се реформира однатре, да си ги провери кадрите и да го отстрани имплантираното диво месо за да не се претвори во нова дефекторска серија, а и да може подготвено да оди на избори, што значи да може да му се опули на народот во очи и спремно да си ги признае и исправи сите сторени грешки што помогнаа да стигнеме до овде.

Истото треба да го сторат и останатите нормални македонски партии. На СДСМ не треба да се смета с` додека не си го смени раководството и додека не помине катарза.

ЦИА е наследство од пепел

Преку „Викиликс“ и пуштениот во оптек пакет од монструозни тајни на ЦИА, која уште ја именуваат како ,,дип стејт“, која фактички на криминален начин ја води политиката на државата, а во која политичарите и државните функционери се само кукли кои се купени или уценувани.

Подземната ЦИА имала и свое ,,длабоко грло“ кое управувало со медиумите задолжени за пропаганда и пласман на лажни вести. Благодарение на Волт 7, јавното мислење во САД се смени преку ноќ за 180 степени. Шокираната јавност дозна дека доказите на 17-те безбедносно шпионски агенции и тајните служби лажно ја набедувале Русија за мешање во изборите на суверена држава и нација. Тоа всушност го правела ЦИА преку кражба на руски спајвери и софтвери и како кукавица ги подметнувале нивните електронски отпечатоци божем тие вршеле упад во американската суверена изборна операција. Америка е затечена и згрозена.

Се прашуваат што да се прави со консензусот на сите 17 агенции! Одеднаш Џулијан Асанж е херој, а Едвард Сноуден од предавник прерасна во чесен патриот и заштитник на Америка. Главен цитат во медиумите сега е оној на Рузвелт кој рекол дека ЦИА е наследство од пепел. Ќе ~ се пее опело.

Холивудски филм

Благодарение на ароганцијата и самоувереноста во сопствената непобедливост, со внатрешен преврат од вработените некорумпирани агенти, е разнесена цијашката дип стејт. Превратот се спремал од уривањето на кулите близначки, но активно почнал по чаталењето на Барак Обама и Хилари Kлинтон дека американските специјалци извршиле успешна акција на ликвидација на Осама бин Ладен. Сега директно од цијашите превратници цел свет дозна дека Бин Ладен долго време бил неподвижен, со откажана функција на бубрези и под константна дијализа. Си умрел природно од болеста. Белата куќа само снимила холивудски филм, лажњак. Лоша вест за Брисел и структурите на ЕУ е и информацијата на ЦИА стара шест години во која се планира и спроведува етапно, а преку корумпираните политички елити дека ЕУ ќе се распадне. Што веќе се случува.

Потоа добивме првокласни информации дека американскиот конзулат во Франкфурт е цијашко дувло преку кое се контролира цела ЕУ, а конзулатот во Милано во кој службува Филип Рикер и жената му ја контролира јужна, односно Југоисточна Европа. Протокот на монструозните тајни на подземната држава е грандиозна вест дека проектот ,,Нов светски наднационален поредок е мртов“. Kако што не постои повеќе адресата ,,меѓународна заедница“. Ако тоа не му е познато на Зоран Заев, Али Ахмети и останатата големоалбанска шикишаана и Соросови бројлери, познато му е на фронтално нападнатиот македонски народ. Суверенот на државата е дванаесет дена на улица и така ја демонстрира својата волја, моќ и решеност. Тој е единствениот кој ќе управува со државата така што ќе испорача платформа, ќе организира избори, ќе бара попис, ќе дава мандат и ќе решава политички кариери.

Мирка Велиновска за ДНЕВНИК