ТОКСИЧЕН ОТПАД НА „ПЕЛЕНИЦА“: Затворен локалитетот Пеленица, поради токсичен линдан
Објавено на
Излетничкото место Пеленица кај Драчево е забрането за учениците. По наредба на Министерството за животна средина, Министерството за образование им наложи на сите општини во Скопје, основните училишта да не организираат еднодневни екскурзии во местото за кое постои сомнеж дека е депониран токсичниот линдан од фабриката ОХИС
Не смее децата да се во близина на нешто што може да им наштети.Дадени се инструкции да се избегнува Пеленица и да внимаваат каде организираат излети, вели Петар Атанасов МОН.
Информацијата за можна дива депонија на линдан во близина на село Драчево, до Владата била доставена уште летово од страна на канцеларијата за неразградиви органски загадувачи, но посочената локација допрва ќе се испитува. До крајот на годинава, Министерството за животна средина уверува ќе го огради просторот на кој според кажувања на поранешни работници, во 1976 година се фрлени 8000 тони од прашакот за кој тогаш не се знаело дека е опасен по здравјето.
Министерството за животна средина ќе ја огради локацијата со непровидна ограда во висина од 2,5 м и ќе постави табла со натпис “Забранет пристап за неовластени лица”. Забраната ќе трае се до утврдување на мерките и активностите за спречување на загадувањето на околината од депонираниот отпад, соопштуваат од Министерство за животна средина.
КОМЕНТАРИ