Нови 30 дена притвор за бизнисменот Орце Камчев

Бизнисменот Орце Камчев останува во притвор во затворот „Скопје“ во Шуто Оризари.

Кривичниот совет во Основниот кривичен суд Скопје го уважи предлогот на Основното јавно обвинителство за гонење организиран криминал и корупција и донесе решение за продолжување на мерката за уште 30 дена бидејќи, како што велат од судот, сè уште постои опасноста од бегство.

Одбраната на бизнисменот има право да поднесе жалба до Апелацискиот суд во Скопје.

Обвинителката Лиле Стефанова предлогот за продолжување на притворот го поднесе во петокот.

Камчев заврши во притвор на 14 март 2021 како осомничен во случајот „Плацови на Водно“. Мерката беше побара откако обвинителството доби белешка од Агенцијата за национална безбедност (АНБ) дека бизнисменот се подготвува за бегство.