Почнува „операција“ за кам-бек во Интер на Лукаку  

Ромелу Лукаку по само една сезона во Челси повторно ќе си замине. Белгиецот не се снајде на „Стемфорд Бриџ“ по враќањето во клубот и трансферот од 115 милиони евра од Интер. 

Сега голгетерот работи на повторно враќање во Милано. Пред извесно време тој го отпушти својот агент, па сега преку адвокатот се обидува да договори трансфер во Интер.

Операцијата воопшто нема да биде лесна за Лукаку, бидејќи „нераѕурите“ не се финансиски моќни да го платат обештетувањето што ќе го бара Челси.

Неговиот застапник денеска треба да биде во Милано каде ќе разговара со преставниците на италијанскиот гигант.