Ние немаме посебна рубрика "НА ДНОТО" но дефинитивно тоа треба да стане редовно како што е временска прогноза.
Еве еден таков пример и тоа не за некоја маргинална вуду темa, туку од оние кои "цицаат" огромни странски пари да шират, демек, демократија. И еве како малиот "Џокица" мисли дека тоа треба да се прави ... или едноставно, толку му сече ...
Еве го линкот и веста
Не е тајна дека шефот на државата, претседателот Ѓорге Иванов, на странските дипломати им раскажува приказни за да ги убеди дека македонскиот народ има антички а не словенски корени. Се уште дипломатите си го раскажуваат како анегдота доживувањето на екс-амбасадорот на САД во земјава, Филип Рикер и екс-амбасадорот на ЕУ, Ерван Фуере со нашиот претседател. Додека пловеле кон островот Голем град во Преспанското Езеро, Иванов ги убедувал дека на островот е закопан големиот антички поет Хомер. Дипломатите молчеле а прикаската на Иванов ја раскажувале со смеење.
Убедување од претседателот дека имаме антички, а не словенски корени, деновиве имале и наши академици на средбата во вилата Билјана во Охрид. По одржувањето на трибината за иднината на Македонија во организација на МАНУ пред неколку денови во Охрид, претседателот Иванов им приредил прием во летната резиденција каде што летува со сопругата.
На таа средба, според извори на Либертас, тој ја отворил расправата за нашите предци со цврст став дека сме потомци на Александар, а не како што мислиме, дека имаме словенско потекло. Во убедувањето, според нашиот извор, Иванов како аргумент за да ги убеди, го употребил ликот на Аристотел, како доказ дека како народ имаме многу физички сличности со него.
На ова изреагирал еден од академиците велејќи му на претседателот да го погледне ликот на Аристотел а после во огледало да се види себеси и да биде самокритичен дали во својот лик гледа нешто античко. Тука, велат нашите извори, расправата за антички или словенски Македонци завршила, и се префрлиле на друга тема.
Рекацијата за текстот беше следнава
Либертас фатени во лага - подметнуваат туѓи зборови во устата на претседателот Иванов
Проопозицискиот портал Либертас по којзнае кој пат повторно манипулира со јавноста и сакајќи да му наштети на угледот на претседателот Ѓорге Иванов измислува лаги и манипулира со одамна изнесени размислувања во јавноста.
Откако проопзицискиот портал излезе со информација дека на неодамнешна средба со неколку македонски академици претседателот Иванов отворил расправа околу потеклото на Македонците, демант стигна од претседателот на МАНУ, академик Владо Камбовски.
„Од целиов напис е точно само тоа дека деновиве ние неколкумина академици имавме заеднички ручек во Охрид со нашиот колега, претседателот Иванов, но не во вилата Билјана. За време на средбата воопшто не стана збор за нашите предци, а Аристотел беше споменат во контекстот на значењето и грандиозноста на неговото филозофско учење (етика, метафизика, логика, физика итн.). Очигледно дека некој што го слушал разговорот од друга маса имал слаб слух и не дочул, уште помалку разбрал за што станува збор, но имал бујна фантазија поттикната од споменувањето на името на Аристотел. Ширењето невистини никому не му користи“ се вели во реакцијата на академикот Камбовски на тврдењата на „Либертас“.
Дополнително, Либертас изнесува неточни информации, според кои, претседателот Иванов при средби со странски амбасадори тврдел дека поетот Хомер е погребан на островот Голем град во Преспанското езеро. Против тврдењата на Либертас оди фактот што вакви информации во дневниот печат изнел професорот Димитар Гелев уште во 2006 година, што на никој начин не може да се поврзат со претседателот Иванов.
Откако ја објавија оваа од дното извадена "вест" која е под секој стандард, како коментар на сето она погоре дојде и од академикот Владо Камбовски кој интелектуално ги понижува објавените блуеници
vlado kambovski22/08/2014, 21:50
Инаку приказната која љубителите шарени боички тнр новинари на опозицијата, во суштина е следнава, а затоа постои и архива на интернет, да прави будали од оние кои НЕ сакаат да цапаат во кал и да не убедуваат сите дека тоа е здраво ... но еве го тесктот од архивата на Дневник
http://star.dnevnik.com.mk/default.aspx?pbroj=2922&stID=68007
Димитар Гелев
На островот Свети Ахил се гробовите на Хомер и на Самуил
Една од подобро чуваните тајни на "жителите" на брдото Јудино, наречено Водно, е постоењето на островот Свети Ахил во Преспанското Езеро. На тој остров се наоѓа гробот на Хомер, познатиот творец на "Илијада" и на "Одисеја", чие вистинско име е Илија. Таму, на островот Свети Ахил, се наоѓа и гробот на цар Самуил, како и гробот на пророкот кој на јавноста и е познат како Симеон Нови Богослов или Симеон Нови Теолог.
За пророкот Илија или Хомер слушнале сите. Тој е пророк што е роден во градот Бар, денешна Црна Гора, под планината Румија. Токму затоа што живеел и работел во Македонија, (Македонија ја нарекувале Румелија или Рум по планината Румија, родното место на Хомер), а Византијците себеси се нарекувале Ромеи, што е идентично на одредницата "Елини" или "Хелени", збор што потекнува од името на пророкот Илија ("Илиини"). Хомер е познат по описите на Тројанската војна - настан што во најголем дел се одвивал во градот Троја, што се наоѓал на островот Тенедос, во близина на денешен Истанбул (Цариград).
Изворно, гробот на Хомер се наоѓал во близината на Лерин. На островот Свети Ахил бил пренесен од Самуил. Токму затоа денес најчесто се споменува некое си "Житие на светиот Ахил", кој бил "поп во Лерин" , "за време на Константин Велики". Самата идеја за Хомер како поп во Лерин е фасцинантна.
За островот Свети Ахил се врзани различни настани од бурната македонска историја. На пример, на островот Свети Ахил живеел и работел свети Димитрија. На овој остров тој ја превел Библијата и на тој остров бил и заробен пред да му биде отсечена главата на местото каде што денес се наоѓа познатото летувалиште Порто Карас. Според белосветските книги, свети Димитрија е шифриран како "Ориген", што значи "извор". Така и се печатат неговите дела. Островот или езерото се шифрирани како "Мери". Па ни се раскажува дека таму се собрале 70 учени луѓе да ја преведат Библијата. Но, вистината е сосема поинаква. Библијата ја превел еден и баш нему Грците му ја отсекле главата. Онака случајно, од побожност, скоро "партизански". А "Ориген" е секако основа на "католицизмот".
Овде се наоѓа и гробот на Симеон Нови Богослов. Тоа е пророк што живеел во времето на Самуил и Василиј Втори. Автор е на многу дела. Во 1999 година, некојаси издавачка куќа од Охрид, "Мацедониа Прима" се појави со издание на "Тајната книга - Образложение за ереста на богомилите". Станува збор за интересна компилација на две сосема различни работи. Првиот дел на "Тајната книга" всушност е делумно фалсификувано пророштво на Симеон Нови Богослов, кој го прорекнал ослепувањето на 14.000 војници. Овде името на пророкот што ја пишува "Тајната книга" е наведено како "Јован" или "Јоан", што како пророк навистина постоел, но многу подоцна. Станува збор за пророкот Јован, поврзан со Димитрија ("Хоматијан", "Роман", па дури и "Кристофер"), внукот на Самуил и со историјатот на манастирот "Дечани". Неговиот гроб се наоѓа на еден остров во Скадарското Езеро. Можеби токму затоа во вториот дел на изданието е наведено некое "Образложение за ереста на богомилите" на некојси Евтимиј Зигабени, кое почнува со "итрината на императорот Алексеј Комнен". Во секој случај, станува збор за дело што ни оддалеку не било "Тајна книга" на богомилите. (Но, претставува добар пример за тоа дека вмровец не се станува "преку ноќ", што најдобро се гледа на примерот на "расчинетиот владика" Јован и "случајот што не знаеме како да го завршиме", затоа што очигледно "Русите не ни кажале се". Американците немаат ни намера да ни кажат, зашто се во "Бонд-стил", што е "едно непријатно". А манастирот Дечани го чувале Италијанци. Веројатно ги нашле некои "православни". Инаку, нема смисла "Свети Сава да биде на Врачару".)
Инаку, овој пророк Симеон Нови Богослов е истата личност што по бугарските истории од понов датум се прикажува како "бугарскиот цар Симеон", што претставува посебна тема во овој неверојатен драмски заплет.
Конечно, на островот Свети Ахил се наоѓа и гробот на Самуил. Но, зошто и покрај се, кај нас за овој остров не се знае речиси ништо? Одговорот е прилично едноставен. Пред педесет години, тогашните раководства на Југославија, Грција и на Бугарија се договориле дека овој остров не се вика Свети Ахил, туку дека така се викал некојси остров што се наоѓа на "грчката страна" од Преспанското Езеро. За нас останало името "Змиски остров", по змиите што пливаат таму или "Голем град". Така обично прават "сериозните луѓе за сериозни времиња, оти од историја не се живеит".
Дури во 1960 година некои археолози, очигледно на нашата страна од езерото, вршеле некакви ископувања. Во тоа време слој по слој се вадени иконите од црквите на островот. Сето тоа е документирано на повеќе места, но обично како главна референција се наведува професорот Н. Муцопулос од Универзитетот "Аристотелус" од Солун, кој се шинал од издавање книги во врска со "наодите" од островот Свети Ахил. Станува збор за истиот универзитет од Солун кој нам ни е познат по одличните врски со некои наши факултети и "катедри" по војната. Првиот што воспоставил врска со него е и една личност што по војната има сосема истакната улога во познатите судења и ликвидации на вмровци по Македонија. Неговите "ученици", еве едно 15 години, го решаваат "прашањето со името", а во заднина крадат.
Инаку, во наодите за археолошките ископувања на професорот Муцопулос, за гробот на Хомер се користи шифрата "гробот Г". Како таков е означуван и во претходните "истражувања" на вистинољубивите западни археолози и пробисвети. А за преспанската јудејска школа, за Цветко Узуновски-Абаз и за "славното Дебарца", во некоја друга пригода.
(Авторот е професор)
Заклучок.
непознавањето на историјата, нечитањето книги, бегањето од часови, слепото слушање други без да се провери произведува дела кои заслужуват рекација од социјалните и медицинските служби