Претседателот на СДСМ, Зоран Заев, на вечерашната средба со коалициските партнери добил едногласна поддршка од партиите од здружената опозиција.

На средбата, на која присуствувал и Стево Пендаровски, била изразена единственост во позициите за чекорите што се преземаат и ќе се преземаат во врска со политичката ситуација во земјава. 

Во соопштението од опозицијата се наведува дека СДСМ и коалициските партнери се одлучни за спроведување фер и демократски избори. 

Оттаму потенцираат дека избирачкиот список мора да се прочисти, како и дека мора да се обезбеди професионално известување на медиумите. 

- За СДСМ и коалициските партнери не се прифатливи избори на 24 април. СДСМ и здружената опозиција нема да учествуваат на избори организирани на 24 април, стои во соопштението.

Во врска со учеството на министрите и замениците министри на опозицијата во преодната Влада се наведува дека централните органи и тела на партиите од здружената опозиција штом ќе донесат одлука ќе ја соопштат.